ներդրողները սպասում են ԱԺ արտահերթ ընտրություններին. Տիգրան Խաչատրյան
ՀՀ տնտեսական զարգացման և ներդրումների նախարարի պաշտոնակատար Տիգրան Խաչատրյանը համամիտ է այն դիտարկմանը, որ շատ պոտենցիալ ներդրողներ ներդրումներ կատարելու համար սպասում են ՀՀ խորհրդարանական ընտրությունների արդյունքներին:
«Ես համաձայն եմ Նիկոլ Փաշինյանի այն դիտարկմանը, որ ներդրողները սպասում են խորհրդարանական ընտրություններին: Կլինի անպայման ներդրումային որոշումների արագացում»,- լրագրողների հետ զրույցում ասաց Խաչատրյանը՝ շեշտելով, թե ակնհայտ է, որ շատերը սպասում են ընտրությունների արդյունքներին:
Նրա խոսքով՝ գնահատվում է, որ համախառն կուտակումը տնտեսության մեջ մյուս տարի կաճի վեց տոկոսով, դա նշանակում է, որ մոտավորպես հանրագումարով կհասնի տասնինը տոկոսի:
Խաչատրյանը փաստեց, որ ներդրողների ցանկությունների մակարդակում քննարկումներ միշտ լինում են: Հիմնական ներդրումները մասնավոր ներդրումներն են:
Խաչատրյանը նկատեց, որ բոլոր ներդրումային գործողություններն իրականացվում են այնտեղ, որտեղ կանխատեսելիություն կա:
