Կոնգոյի Հանրապետությունում էբոլայով վարակվածների թիվը հասել է 200-ի
Կոնգոյի Դեմոկրատական Հանրապետությունում էբոլա մահացու հեմոռագիկ տենդով մարդկանց հիվանդանալու դեպքերի թվաքանակը հասել է 200-ի նշագծին, նրանցից 125-ը մահացել են: Այդ մասին հայտարարել է Առողջապահության համաշխարհային կազմակերպության (ԱՀԿ) պաշտոնական ներկայացուցիչ Թարիք Յազարեւիչը:
«Այս գիշեր մենք չարագույժ 200-ի նշագծին ենք հասել Հյուսիսային Կիվուում, որոնցից 165-ը հաստատվել են լաբորատոր քննությամբ, իսկ 35-ը՝ հնարավոր են: Վարակվածներից մահացել է 125 մարդ»,-ասել է նա՝ հանդես գալով ճեպազրույցում:
ԱՀԿ-ում նշում են, որ էբոլայի տարածման դեմ պայքարը բարդանում Է ռիսկի գոտում, հատկապես Բենիի շրջանում, անվտանգության հետ կապված խնդիրներից: Մարտերի պատճառով բազմաթիվ բժիշկներ հարկադրված են դադարեցնել պատվաստումը, ինչն մեծացնում է հիվանդության տարածման ռիսկը:
Բացի այդ, բազմաթիվ վարակվածներ հրաժարվում են պատվաստումից կամ ընդհանրապես չեն գալիս բժիշկների մոտ, կամ էլ գալիս են, բայց արդեն վիրուսի զարգացման վերջին փուլում, հաղորդել է ՌԻԱ Նովոստին:
