ՔՊ-ում քննարկվում է Մեսրոպ Առաքելյանի թեկնածությունը
Վարչապետ Նիկոլ Փաշինյանի խորհրդական Մեսրոպ Առաքելյանը, հնարավոր է, առաջադրվի Երևանի քաղաքապետի թեկնածու։ 168.am-ի հետ զրույցում Մ.Առաքելյանը հաստատեց, որ իր թեկնածության հարցն այժմ քննարկվում է ՔՊ-ում։
«Քննարկվում է նաև «Քաղաքացիական պայմանագիր» և «Առաքելություն» կուսակցությունների՝ Երևանի ավագանու առաջիկա ընտրություններին համատեղ մանակցելու հարցը»,- ասաց նա։
Թե ե՞րբ կկայացվի որոշում, Մ.Առաքելյանը նշեց, որ հաշվի առնելով, որ ընտրությունները կլինեն մոտ 2 ամսից, ապա առավելագույն սեղմ ժամկետներում այդ հարցը կորոշվի։
Հիշեցնենք, որ որպես քաղաքապետի թեկնածու՝ շրջանառվում են նաև ԱԺ պատգամավոր Ալեն Սիմոնյանի, դերասան Հայկ Մարությանի, ՔՊ անդամ, Երևանի ավագանու «Ելք» դաշինքի անդամ Զարուհի Բաթոյանի և ՀՀ վարչապետի խորհրդական, անկուսակցական Սրբուհի Ղազարյանի անունները:
