Ձեզ անհանգստացնում է որովայնի փքվածությունը. կարդացեք սա

Որովայնի փքվածությունը կարող է մի շարք պատճառներ ունենալ, սակայն հիմնական խնդիրը չափից շատ ուտելն է: Steptohealth.ru-ի հաղորդմամբ՝ այս խնդիրն ուղեկցվում է որովայնում ծանրության զգացմամբ, մեծ քանակով գազերի առաջացմամբ և ցավով, իսկ որովայնի շրջագիծը նկատելիորեն մեծանում է: Կայքը ներկայացրել է բնական միջոցներ, որոնք կօգնեն ազատվել որովայնի փքվածությունից:

Կիտրոնով ջուր և կերակրի սոդա: Այս միջոցն օգնում է չեզոքացնել որովայնի թթվայնությունը և աղիները մաքրել կուտակված գազերից: Այն կօգնի ազատվել որովայնի փքվածությունից, որն առաջանում է մեծ քանակով կծու և գրգռող մթերքի չարաշահման հետևանքով:

Բաղադրիչներ

1 բաժակ տաք ջուր՝ 200 մլ
կես կիտրոնի հյութ
կես թեյի գդալ կերակրի սոդա՝ 2 գրամ:

Ինչպես պատրաստել և օգտագործել

Կիտրոնի հյութը խառնեք տաք ջրի հետ, ավելացրեք կերակրի սոդան:
Խորհուրդ է տրվում օգտագործել ուտելուց 30 րոպե անց կամ այն պահերին, երբ ձեզ անհանգստացնում է որովայնի փքվածությունը:

Ուշադրություն: Հարկավոր չէ չարաշահել այս միջոցը: Այդ դեպքում օրգանիզմի pH-ի հավասարակշռությունը կարող է խախտվել:

Դարչինի թուրմ: Այս համեմունքն օգտակար է նյութափոխանակության համակարգին: Այն հնարավորություն է տալիս խուսափել որովայնի փքվածությունից, ցավից, այրոցից: Դարչինը հակաօքսիդանտներ է պարունակում, առանձնանում է հակաբորբոքային հատկություններով:

Բաղադրիչներ

1 թեյի գդալ դարչին՝ 5 գրամ
1 բաժակ ջուր՝ 250 մլ
1 ճաշի գդալ մեղր՝ 25 գրամ:

Ինչպես պատրաստել և օգտագործել

Դարչինին տաք ջուր ավելացրեք: Բաժակը ծածկեք, թողեք 10 րոպե:
Օգտագործելուց առաջ մեղր ավելացրեք:

Ուշադրություն: Այս միջոցը ևս հարկավոր է չափավոր օգտագործել, քանի որ դարչինի չարաշահումը կարող է գրգռել որովայնի լորձաթաղանթը: Այն խորհուրդ չի տրվում խոց ունեցողներին:

Սամիթի սերմերով թուրմ: Սամիթի սերմերով թուրմը հակաբորբոքային, հանգստացնող հատկություններ ունի: Այս իդեալական միջոց է՝ նյութափոխանակության խանգարումների դեմ պայքարելու համար, որոնք ծանր սննդի հետևանք են:

Բաղադրիչներ

1 թեյի գդալ սամիթի սերմեր՝ 5 գրամ
1 բաժակ ջուր՝ 250 մլ:

Ինչպես պատրաստել և օգտագործել

Սամիթի սերմերին եռացրած ջուր ավելացրեք:
Տարան փակեք, թողեք 10 րոպե:
Խմեք ուտելուց 30 րոպե անց:
Եթե մեկ անգամը չի օգնում, օգտագործեք 3 անգամ:

Իմբիրի, կիտրոնի, մեղրի թուրմ: Իմբիրը կարող է օգտագործվել նյութափոխանակության համակարգի հետ կապված խնդիրների դեպքում: Այն հակաբորբոքային, ցավազրկող հատկություն ունի, օգնում է ազատվել որովայնի փքվածությունից, գազերից, սրտխառնոցից:

Բաղադրիչներ