«Ոչ ոք թիմում չի մեղադրի Կարիուսին». վան Դեյկ
«Լիվերպուլի» պաշտպան Վիրջիլ վան Դեյկը մեկնաբանել է Չեմպիոնների լիգայի եզրափակչում Մադրիդի «Ռեալից» կրած պարտությունը:
«Սա, իհարկե, զվարճալի չէ: Մենք հաղթում ենք միասին և պարտվում ենք միասին: Ոչ ոք թիմում չի մեղադրի Կարիուսին: Ինչ ասես կարող է տեղի ունենալ նման լարված խաղերում: Մենք այլ արդյունքի հույս ունեինք:
«Լիվերպուլը» պետք է հպարտանա: Մեծ Բրիտանիայի բոլոր թիմերը ուզում են լինել մեր տեղը՝ խաղալ Չեմպիոնների լիգայի եզրափակչում: Հիասքանչ է, որ մենք հասանք մինչև եզրափակիչ: Բայց հիմա ամբողջ թիմը շատ հիասթափված է»,- վան Դեյկի խոսքերն է մեջբերում ՈւԵՖԱ-ի պաշտոնական կայքը:
Պատրաստեց Անի Գաբուզյանը
