Ուժեղ անձրևի հետևանքով առաջացած պատահարները փրկարարների ուշադրության կենտրոնում են
Մայիսի 27-ին՝ ժամը 00:17-ից, եղանակային անբարենպաստ պայմաններից ելնելով՝ «911» ծառայությանը բազմաթիվ ահազանգեր են ստացվել Երևան քաղաքի վարչական շրջաններում տեղի ունեցած արտակարգ դեպքերի և պատահարների վերաբերյալ:
Մասնավորապես՝ բնակելի շենքերում և շինություններում տեղի է ունեցել մոտ 10 ջրալցում, ճանապարհի երթևեկելի հատվածներում՝ 2 պատահար:
ԱԻՆ-ը տեղեկացնում է, որ բոլոր ահազանգերը սպասարկվում են ըստ առաջնահերթության:
