«Ռեալ»-ը 13-րդ անգամ նվաճեց ՉԼ գավաթը. Պատմական արդյունք
Ֆուտբոլի Չեմպիոնների լիգայի եզրափակչում երրորդ տարին անընդմեջ Մադրիդի «Ռեալ»-ը հաղթանակ տոնեց:
Կիևի «Օլիմպիական» մարզադաշտում կայացած խաղի առաջին կեսում թիմերն ակտիվ էին, բայց օգտագործե հնարավորությունները չստացվեց: Անսպասելի ուսի վնասվածք ստացավ «Լիվերպուլ»-ի առաջատար Մուհամես Սալահը: Քիչ ավելի ուշ վնասվածքի պատճառռով փոխարինվեց արդեն «Ռեալ»-ից Կարվախալը:
Երկրորդ կեսի մեկնարկին անհավանակ և անսպասելի գոլ խփեց Կարիմ Բենզեման: «Լիվերպուլ»-ի դարպասը գնդակ նետում էր առաջ, երբ Բենզեման պարզապես առաջ մեկնեց ոտքը և գնդակը հայտնվեց անգլիական ակումբի դարպասում: Եվ մի քանի րոպե անց «կարմիրները» խփեցին պատասխան գնդակը: Ճիշտ ժամանակին, ճիշտ տեղում հայտնված Մանեն հաշիվը դարձրեց 1:1:
Հանդիպման 63-րդ րոպեին ֆանտաստիկ, հետհարվածով գոլի հեղինակ դարձավ Գարետ Բեյլը (2:1): Նույն Բեյլը 83-րդ րոպեին հեռահար հարված կատարեց դեպի դարպասը, «Լիվերպուլ»-ի դարպասապահը փորձեց որսալ գնդակը, բայց չգիտես ինչպես բաց թողեց գնդակը (3:1):
Ի վերջո «արքայական ակումբը» հաղթեց 3:1 հաշվով և 13-րդ անգամ տիրավ Չեմպիոնների լիգայի գավաթին:
