«Արսենալը» վստահ է, որ կստորագրի Ալեգրիին
Հիմա Մասիմիլիանոն գիտի, թե ինչքան կարող է ծախսել շոփինգի ժամանակ:
«Արսենալը», որն Արսեն Վենգերի՝ ակումբից հեռանալուց հետո զբաղված է նոր մարզիչ փնտրելով, անցկացրել է դրական բանակցություններ «Յուվենթուսի» գլխավոր մարզիչ Մասիմիլիանո Ալեգրիի հետ:
Ինչպես հաղորդում է The Times-ը, «Արսենալն» արդեն քննարկել է Ալեգրիի գործակալի հետ տրանսֆերային բյուջեն, ակումբի զարգացման ռազմավարությունը և մարզչական շտաբը, որը պետք է աշխատի Մասիմիլիանոյի հետ նրա՝ Լոնդոն տեղափոխվելու դեպքում: Չնայած դրան, իտալական առաջատար պարբերականները վստահ են, որ Ալեգրին կմնա «Յուվենթուսում» ևս մեկ մրցաշրջան:
Մայիսի 13-ին «Արսենալը» կանցկացնի իր վերջին խաղը Արսեն Վենգերի գլխավորությամբ:
Ընթացիկ մրցաշրջանում չեմպիոնությունը նվաճելու դեպքում Ալեգրին «Յուվենթուսի» հետ կձևակերպի 4 անընդմեջ ոսկե դուբլ:
Պատրաստեց Անի Գաբուզյանը
