Դիլիջան քաղաքում ավտոմեքենաներ են բախվել. կա տուժած
Մայիսի 12-ին, ժամը 20:26-ին «911» ծառայությանը տեղեկություն է ստացվել, որ Տավուշի մարզի Դիլիջան քաղաքի Կալինինի փողոցում բախվել են «Mitsubishi» և «ՎԱԶ-2107» մակնիշերի ավտոմեքենաները, կա տուժած. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Մինչ փրկարարների դեպքի վայր հասնելը՝ «ՎԱԶ-2107» մակնիշի ավտոմեքենայի վարորդը՝ Ա. Զ.-ը (1984թ), հոսպիտալացվել է Դիլիջանի բժշկական կենտրոն: Բժիշկները տուժածի առողջական վիճակը գնահատել են բավարար:
Փրկարարները հոսանքազրկել են «ՎԱԶ-2107» մակնիշի ավտոմեքենան:
