Նիկոլ Փաշինյանը ոստիկանության Սևանի բաժնում է. Աննա Հակոբյան. Azatutyun.am
Ազգային ժողովի պատգամավոր Նիկոլ Փաշինյանը ոստիկանության Սևանի բաժնի Ձերբակալվածների պահման վայրում է, «Ազատությանը» քիչ առաջ տեղեկացրեց պատգամավորի կինը՝ Աննա Հակոբյանը։
Հակոբյանի խոսքով, ինքը հեռախոսազանգ է ստացել, զանգահարողը ներկայացել է քննիչ Թադևոսյան, ասել է, որ Փաշինյանը Սևանի բաժնում է։ Քննիչը նաև ասել է, որ Փաշինյանի պահման վայրի մասին տեղեկատվության հրապարակումը 12 ժամով հետաձգված է եղել, քիչ առաջ այդ ժամկետը լրացել է, այդ իսկ պատճառով հիմա տեղյակ են պահում։ Աննա Հակոբյանի խոսքով, քննիչը չի պարզաբանել, թե ինչու է նման որոշում կայացվել։
Փաստաբան Ռուստամ Բադասյանը այս պահին ուղևորվում է Նիկոլ Փաշինյանին տեսակցելու։ Աննա Հակոբյանն ակնկալում է ամուսնու որպիսության մասին տեղեկություններ ստանալ փաստաբանից, այն բանից հետո, երբ վերջինս կտեսակցի Փաշինյանի հետ։
Մանրամասները՝ սկզբնաղբյուր կայքում։
