Հրդեհ Երևանում
Ապրիլի 1-ին՝ ժամը 07:22-ին, ահազանգ է ստացվել, որ Երևան քաղաքի Մ. Ավետիսյան 1-ին փողոցի տներից մեկի մոտակայքում գտնվող ավտոտնակից ծուխ է նկատվում, ներսում ավտոմեքենա կա: Դեպքի վայր է մեկնել երկու մարտական հաշվարկ:
Հրդեհը մեկուսացվել է ժամը 07:36-ին, մարվել՝ 07:41-ին:
Ավտոտնակում ջերմահարվել է «ՎԱԶ-2103» մակնիշի 62 ՍՍ 624 պետհամարանիշով ավտոմեքենայի դիմային հատվածը՝ մասամբ, ավտոտնակում այրվել են լարեր և ավտոպահեստամասեր՝ 1,5 քմ:
