![](/banners/BeFunky-design.jpg)
Գիտնականները նշել են ուսումնառության առավել հարմար տարիքը
![](https://168.am/wp-content/uploads/2017/12/917600.jpg)
Մարդը 17-ից մինչեւ 20 տարեկան հասակում ավելի հեշտությամբ է յուրացնում տեղեկատվությունը, քան ավելի ուշ տարիքում կամ մանկության շրջանում: Համապատասխան հետազոտությունը հրապարակված է Nature Communications հանդեսում։
Գիտնականների տվյալներով՝ ուսուցման գործընթացում կարեւոր դեր է խաղում շերտավոր մարմնի դորսոլատերալ հատվածը: Ուղեղի այդ մասի՝ տարիքով պայմանավորված ակտիվության փոփոխություններն ավելի վաղ ուսումնասիրված չեն եղել:
Լեյդենի համալսարանի մասնագետները գիտափորձ են անցկացրել, որին մասնակցել է 8-ից մինչեւ 25 տարեկան նեւրոլոգիական հիվանդություններ չունեցող 232 մարդ: Փորձարկումների ընթացքում անհրաժեշտ էր տրամաբանական խնդիր լուծել պատասխանի տարբերակներով՝ հաշվի առնելով համակարգչի հուշումները:
Մասնակիցների ուղեղի սքանավորման արդյունքները ցույց են տվել, որ տարիքի հետ շերտավոր մարմնի ակտիվությունը համապատասխան փոփոխություններ է կրել եւ առավելագույնի է հասել 17-ից մինչեւ 20 տարեկան մարդկանց մոտ:
Գիտնականների կարծիքով՝ ուսումնասիրությունը ցույց է տալիս, որ այս տարիքը բացառիկ փուլ է, երբ մարդու ուղեղն առավել արդյունավետորեն է ընկալում տեղեկատվությունը, հաղորդել է ՌԻԱ Նովոստին: