«Բուհից որևէ մեկը թող գա, ինձ ասի՝ այս թեմայից չխոսես, այդ մարդը լուրջ խնդիրներ կունենա». Արայիկ Հարությունյան

«Բուհից որևէ մեկը թող գա, ինձ ասի՝ այս թեմայից չխոսես, այդ մարդը լուրջ խնդիրներ կունենա». Արայիկ Հարությունյան

«Ես այս վերջին 7-8 տարիներին այդ առումով որևէ խոչընդոտ չեմ ունեցել՝ արտահայտելու տարբեր քաղաքական, քաղաքացիական թեմաների վերաբերյալ իմ կարծիքը»,- այսօր լրագրողների հետ հանդիպման ժամանակ ասաց Երևանի ավագանու «Ելք» խմբակցության անդամ, ԵՊՀ դասախոս Արայիկ Հարությունյանը՝ խոսելով բուհերի դասախոսների նկատմամբ ղեկավարության կողմից տարվող ճնշումների մասին:

Նա կարծում է՝ մենք զարգացման այնպիսի փուլ ենք անցել, որ հնարավոր չէ համեմատել 2008-2009 թվականների հետ. «Իհարկե, բուհի ներսում նման թեմաների բարձրացնելը, խոսելն ունի որոշակի արգելքներ, որը պայմանավորված է նաև բուհի կանոնադրությամբ, բայց ես համաձայն եմ, որ դասախոսի կեցվածքը բավարար է, որպեսզի մթնոլորտ փոխվի թե՛ լսարանում, թե՛ դասախոսի շուրջ, թե՛ կուրսի շուրջ: Խնդիրը նոր չէ, միշտ կա, բայց ես ուզում եմ այս խնդրին մեկ ուրիշ կողմից նայել. արդյոք դասախոսները պահանջ դնո՞ւմ են՝ ունենալ ակադեմիական ազատություն: Ես շատ քչերի կողմից եմ նման հարցադրում տեսել մինչև հիմա: Այստեղ էլ խնդիր կա: Իհարկե, ցանկացած ղեկավարություն, որն իր ձեռքում կնիք ունի, եթե չունի ներքին դիմադրություն և ընդդիմացող ուժ, ինքը որոշակի ավտորիտարիզմ կարող է դրսևորել: Ի՞նչ պահանջներ են դրել դասախոսները բուհի առջև մինչև հիմա, առանձին դասախոսներ դրել են, բայց արդյոք կա՞ն կազմակերպված խմբեր, որոնք նման խնդիր դրել են. ոչ, չկան: Արդյոք դասախոսները դրե՞լ են արհմիությունների բարելավման խնդիր. ոչ, չեն դրել, բա եթե դասախոսները նման խնդիրներ չեն դրել, մեր հասարակության մյուս շերտերից ինչո՞ւ ենք բողոքում»:

Ա. Հարությունյանի խոսքով՝ բուհական ղեկավարությունն ավտորիտար է, բայց դասախոսներն էլ այստեղ անելիք ունեն. «Ի՞նչ է նշանակում՝ չեն խոսում այս թեմաներից: Բուհից որևէ մեկը թող գա, ինձ ասի՝ այս թեմայից չխոսես, այդ մարդը լուրջ խնդիրներ կունենա: Եթե դասախոսներն ազատ չեն ու ազատ լինելու ցանկություն չունեն, ապա մյուս շերտերից քիչ բան պետք է պահանջել»:

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-11-09
ԱՄՆ նոր վարչակազմի որոշումը Ղարաբաղի վերաբերյալ
«Ռուսական կողմը ոչ թե անտեսում է ԼՂ հակամարտությունը, այլ փորձում է այն օգտագործել՝ որպես կողմերի վրա ազդելու գործոն, որը հակամարտության կարգավորումից հետո այլևս արդիական չի լինի»,- ասաց Գոբլը: