Հայտնի է Սամվել Բաբայանի գործով առաջին դատական նիստի օրը
Արցախի պաշտպանության բանակի նախկին հրամանատար Սամվել Բաբայանի վերաբերյալ քրեական գործով առաջին դատական նիստի օրը հայտնի է։
Առաջին դատական նիստը նշանակված է հուլիսի 31-ին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում։
Ինչպես տեղեկացրել էինք, քրեական գործը քննելու է դատավոր Արշակ Վարդանյանը։
Նշենք, որ նույն քրեական գործի շրջանակներում մեղադրանք է առաջադրվել ևս 6 անձի՝ Կարեն և Անդրանիկ Քոչարյաններին, Ժորա Զաքարյանին, Դավիթ Հարությունյանին, Սանասար Գաբրիելյանին և Արմեն Պողոսյանին։
