10 խորամանկություն, որոնք կօգնեն փափկեցնել ոտքերի կոշտ հատվածները

Steptohealth.ru-ն գրում է, որ տարբեր գործոնների ազդեցության հետևանքով ոտնաթաթերի մաշկը հաճախ է կոշտանում և տգեղ տեսք ստանում։ Այդպիսի խնդիրներից խուսափելու համար հարկավոր է խնամել ոտքերը։ Այս գործում ձեզ օգնության կհասնեն ոչ միայն քիմիական, այլև տան պայմաններում պատրաստված բնական միջոցները։

1. Քար և լոգանք։

• Եթե ցանկանում եք հարթ ու փափուկ մաշկ ունենալ, խորհուրդ է տրվում քնելուց առաջ ոտքերը դնել տաք ջրի մեջ, թողեք 15-20 րոպե։
• Զգուշությամբ մաքրեք ոտքերը հատուկ քարի օգնությամբ, ինչը կօգնի ազատվել մաշկի մահացած հատվածներից։
• Լավ չորացրեք ոտքերը, խոնավեցնող կրեմ քսեք և գուլպա հագեք։

2. Բուսական յուղեր։ Ոտնաթաթերի մաշկը հաճախ տուժում է ոչ բավարար խոնավեցման և չորության հետևանքով։ Բուսական յուղերն արդյունավետ միջոց են, որոնք կօգնեն խոնավեցնել մաշկը, կանխարգելել դրա չորացումը։ Այդ նպատակով խորհուրդ է տրվում օգտագործել կոկոսի և ձիթապտղի յուղ։ Քնելուց առաջ յուղը քսեք մաշկին, բամբակե գուլպա հագեք։

3. Վազելին և կիտրոնի հյութ։ Այս երկու բաղադրիչները կօգնեն փափկեցնել չորացած մաշկը։

• Ոտքերը 15-20 րոպեով դրեք տաք ջրի մեջ։
• Չորացրեք ոտքերը, չոր հատվածներին կիտրոնի հետ խառնած վազելին քսեք։
• Բամբակե գուլպա հագեք։

4. Մեղր։ Մեղրը բազմաթիվ հատկություններ ունի, որոնց արդյունքում դառնում է ոտքերի մաշկը խնամելու արդյունավետ միջոց։ Այն կարող է արդյունավետորեն խոնավեցնել մաշկը, ինչի շնորհիվ այդ դառնում է հարթ և փափուկ։ Ոտնաթաթերի մաշկը փափկեցնելու համար հարկավոր է մեկ ճաշի գդալ մեղրն ավելացնել տաք ջրին, ոտքերը դնել դրա մեջ։

5. Պարաֆինի հիմքով միջոց։ Այս միջոցը հատկապես համապատասխանում է նրանց, ում ոտքերը շատ չոր են։

• Հարկավոր է խառնուրդ պատրաստելով՝ օգտագործելով պարաֆին և կոկոսի կամ մանանեխի յուղ։
• Տաքացրեք բաղադրիչները, քսեք ոտքերին։
• Հարմար գուլպա հագեք, թողեք ամբողջ գիշեր։

6. Բրնձի ալյուր։

• Խառնուրդ պատրաստեք՝ օգտագործելով 2-3 ճաշի գդալ բրնձի ալյուր, մեղր, խնձորի քացախ։
• Ոտքերը դրեք տաք ջրի մեջ։
• Ստացված միջոցը քսեք ոտքերին, շրջանաձև շարժումներով մերսեք դրանք։

7. Վարսակ։ Վարսակը բնական միջոցներից մեկն է, որ կարող է օգնել ոտքերի մաշկը փափկեցնելու գործում։

• Մի քանի գդալ վարսակը խառնեք ժոժոբայի յուղի հետ։
• Քսեք մաշկի վնասված հատվածներին, թողեք 10 րոպե, լվացեք։

8. Յոգուրտով և մեղրով պատրաստված խառնուրդ։ Եվս մեկ արդյունավետ միջոց՝ ոտնաթաթերի մաշկը փափկեցնելու համար։

Բաղադրիչներ

• 1 յոգուրտ՝ 125 գրամ
• 1 ճաշի գդալ մեղր՝ 25 գրամ։

Պատրաստման եղանակը։ Խառնեք մեղրն ու յոգուրտը, քսեք մաշկին։ Արդյունքի հասնելու համար հարկավոր է կրկնել ամեն օր։

9. Կերակրի սոդա և վարսակ։ Խառնեք այս երկու բաղադրիչները, քսեք ոտնաթաթերի այն հատվածին, որոնք կոշտացած են։

10. Գերչակի յուղ։ Գերչակի յուղն ամենաարդյունավետ միջոցներից է, սակայն կարելի է օգտագործել միայն այն դեպքում, երբ մաշկի վրա վնասվածքներ և վերքեր առկա չեն։ Կտորը թրջեք գերչակի յուղով, դրեք վնասված հատվածներին, ֆիքսեք։