Դոնբասում մարտական գործողությունների ընթացքում ավելի քան 2,7 հազար զինվորական է զոհվել
Ավելի քան 2,7 հազար ուկրաինացի զինվորականներ են զոհվել եւ 10 հազլարից ավելին վիրավորվել Ուկրաինայի արեւելքի ուժային գործողությունների գոտում: Այս մասին «Ռոուզ Ռոտա» սեմինարում հայտնել է Ուկրաինայի պաշտպանության առաջին փոխնախարար Իվան Ռուսնակը:
«Չհայտարարված պատերազմն արդեն շատ ուկրաինացիների կյանք է խլել, այդ թվում զոհվել են ավելի քան 2 հազար 700 զինծառայողներ եւ 10 հազարից ավելին՝ վիրավորվել»,- նրա խոսքից մեջբերում է անում ՈՒՆՆ գործակալությունը: Կառավարության տվյալներով՝ ընթացիկ տարում Դոնբասում զոհվել են 120 զինվորական եւ 47 քաղաքացիական անձ, գրեթե 900 զինվորականներ եւ 100-ից ավելի քաղաքացիական անձինք վերքեր եւ հաշմություններ են ստացել, հաղորդել է ՏԱՍՍ-ը:
