Հարյուր հազարավոր եվրո արժողությամբ թռչող ավտոմոբիլներ են ցուցադրել Մոնակոյում
Մոնակոյում բացված Top Marques ցուցահանդեսում ցուցադրվել են թռչող ավտոմոբիլների երկու նախատիպեր: Այս մասին հաղորդվում է միջոցառման կայքում:
Նորույթները ներկայացրել են Հոլանդիայի Pal V ընկերությունը եւ Սլովակիայի AeroMobil սթարթափը: Pal Vի Librety մոդելը սարքավորված է ծալովի ռոտորով եւ կարող է վաճառքի հանվել արդեն 2018 թվականի վերջին:
Ֆիրման արդեն սկսել է ընդունել նախապատվերներ, սակայն ավտոմեքենայի տենիկական բնութագրերը չեն հայտնում: Գինը տատանվում է 299 հազարից մինչեւ 599 հազար եվրոյի սահմաններում՝ կախված համալրումից: AeroMobil երկտեղանի ավտոմեքենայի նախատիպը, ստեղծողների խոսքով՝ կարող է զարգացնել ժամում 160 կիլոմետր արագություն գետնին եւ ժամում 200 կիլոմետր օդում:
