Ինչպես կարելի է նվազեցնել ինսուլտով հիվանդանալու վտանգը
Եյլի համալսարանի գիտնականները պարզել են, որ սննդի մեջ անդրաճարպերի մեծ պարունակությամբ մթերքների գործածումից հրաժարումը թույլ է տալիս նվազեցնել ուղեղի կաթվածի եւ սրտի նոպայի առաջացման վտանգը: Այդ մասին հաղորդվում է համալսարանի պաշտոնական կայքում:
Հետազոտողներն այս եզրակացություններին հանգել են այն վիճակագրության ուսումնասիրության հիման վրա, որն արտացոլում է 2002-ից մինչեւ 2013 թվականն ընկած ժամանակահավածում Նյու Յորքի նահանգում մարդկանց հոսպիտալացումը: Այն վայրերում, որտեղ մարդիկ սահմանափակել են անդրաճարպերի գործածումը, սրտի նոպայով եւ ուղեղի կաթվածով հիվանդների թիվը վեց տոկոսով կրճատվել է:
«Սննդաբաժնից անդրաճարպերի բացառումը կարող է զգալիորեն նվազեցնել ուղեղի կաթվածի եւ սրտի նոպայի առաջացման վտանգը… Պետական մակարդակով անդրաճարպերի արգելքը կարող է իսկական հաղթանակ դառնալ միլիոնավոր մարդկանց համար»,-հայտարարել է հետազոտության հեղինակներից մեկը, հաղորդել է ՌԻԱ Նովոստին:
