Վրաստանի նախագահը կարևորել է ռուսաց լեզվի օգտագործում
Վրաստանի նախագահ Գեորգի Մարգվելաշվիլին վերջին տարիների ընթացքում առաջին անգամ հրապարակորեն հայտարարել է Վրաստանի շահերը պաշտպանելու գործընթացում ռուսաց լեզվի օգտագործման կարեւորության մասին: Նա ելույթ է ունեցել «ՆԱՏՕ-Վրաստան» ժողովրդական դիվանագիտության միջազգային համաժողովում։
Նրա խոսքով՝ «ռուսաց լեզվի օգտագործումն անհրաժեշտ է, որպեսզի ճշմարտությունն ասվի մեր քաղաքականության ու կյանքի մասին, դա հատկապես կարեւոր է Վրաստանի վերաբերյալ իրական եւ ճշմարտացի տեղեկատվություն տարածելու գործընթացում»:
Մարգվելաշվիլին նշել է, որ «ռուսաց լեզուն անհրաժեշտ է նաեւ ակտիվորեն օգտագործել ռուսական քարոզչությանը դիմակայելու համար, որն ուռճանցնում է երկրում առկա խնդիրները եւ ակտիվորեն աջակցում վրաց հասակության մի մասի մեջ ՆԱՏՕ-ի նկատմամբ թերահավատության հաստատմանը»:
Նրա խոսքով՝ «չի կարելի մոռանալ ռուսաց լեզուն, դա հատկապես կարեւոր է աբխազների եւ օսերի հետ շփվելու համար»,-հաղորդել է ՏԱՍՍ-ը:
