Հաքերները կոտրել են Գյումրու քաղաքապետարանի ֆեյսբուքյան էջը
Հաքերները կոտրել են Գյումրու քաղաքապետարանի ֆեյսբուքյան էջը: Այս մասին տեղեկացրեց քաղաքապետարանի մամուլի պատասխանատու Սոնա Առաքելյանը՝ փաստելով, որ էջը չի գործում ապրիլի 1-ից:
«Հաքերները երեկվանից կոտրել են քաղաքապետարանի ֆեյսբուքյան էջը, և այս պահին ոչ մի կերպ չենք կարող այն կառավարել: Քիչ առաջ փոխվել է նաև էջի գլխավոր նկարը»,-նշեց պատասխանատուն՝ հավելելով, որ քաղաքապետարանի էջի անունից մեկնաբանությունները և հրապարակումները իրենք չեն իրականացնում: Արմենուհի Մխոյան
