Կասկածելի առարկայի պատճառով Քյոլնի օդանավակայանում տարհանում է սկսվել
Քյոլնի օդանավակայանում գտնվող ուղևորները և աշխատակիցները տարհանվել են, երբ իրավապահ մարմինները ստացել են հաղորդագրություն կասկածելի առարկայի վերաբերյալ: Այս մասին հայտնում է Interfax-ը:
Օդանավակայանի ղեկավարության տվյալներով` աշխատակիցները տարօրինակ իր են գտել ուղևորներից մեկի ուղեբեռի ուսումնասիրման ժամանակ: Թեպետ կասկածյալը չի ձերբակալվել, սակայն հայտարարվել է տարհանում:
Միջադեպն առնչվել է շուրջ 500 մարդու, ներկայում դադարեցված է 1-ին տերմինալի աշխատանքը: 11 չվերթ իրականացվելու է օդանավակայանի մյուս տերմինալների միջոցով:
