Արտանիշ գյուղում ավտոմեքենան ամբողջությամբ այրվել է
Մարտի 25-ին, ժամը 01:46-ին ահազանգ է ստացվել, որ Գեղարքունիքի մարզի Արտանիշ գյուղում այրվում է «OPEL» մակնիշի ավտոմեքենա. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ:
Հրդեհը մեկուսացվել է ժամը 02:47-ին, մարվել՝ 03:03-ին։ Այրվել է 10-րդ փողոցի տներից մեկի մոտակայքում կայանված «Opel B» մակնիշի 34 FF 386 պետհամարանիշով ավտոմեքենան (վարորդ՝ Ռ. Շ.)՝ ամբողջությամբ:
