Նյու Յորքում վաճառքի է հանվել Գրետա Գարբոյի բնակարանը. ABC
Հոլիվուդյան դերասանուհի Գրետա Գարբոյի նյույորքյան բնակարանն առաջին անգամ վաճառքի է հանվել: Ինչպես հայտնել է ABC հեռուստաալիքը, դրա նախնական գինը կազմում է 5,95 մլն դոլար։
Գնորդներին շքեղ բնակարան է առաջարկվում Մանհեթենում՝ ԻսթՌիվերի նեղուցի հիանալի տեսարանով: 1951 թվականին Գրետա Գարբոն, որը 1905 թվականին ծնվել է Շվեդիայում, ԱՄՆ-ի քաղաքացիություն է ընդունել եւ երկու տարի անց բնակարան ձեռք բերել Նյու Յորքում, որտեղ ապրել է մինչեւ իր կյանքի վերջին օրերը:
