Լարված իրավիճակ Մաշտոցի պողոտայում. Վալերի Օսիպյանը սպառնում է ուժ կիրառել և բերման ենթարկել
Քիչ առաջ «Հաց բերող» Արթուր Սարգսյանին սատարողների երթի ընթացում Մաշտոցի պողոտայի հատվածում քաշքշուկ սկսվեց երթի մասնակիցների և ոստիկանների միջև: Ոստիկանները հորդորում էին ցուցարարներին բացել ճանապարհի երթևեկելի հատվածը:
«Դուք արհեստականորեն լարում եք իրավիճակը»,- հայտարարեց Երևանի փոխոստիկանապետ Վալերի Օսիպյանը: Քաղաքացիներից մեկն ասաց, որ ՀՀ իշխանությունները վաղուց են լարել ոստիկանների ու քաղաքացիների միջև հարաբերությունները:
Այս պահին ոստիկանների և ցուցարարների միջև բախումները շարունակվում են: Վ. Օսիպյանը սպառնաց, որ կարգ խախտողները հենց հիմա պատասխանատվության կենթարկվեն: Վ. Օսիպյանը նաև ասաց, որ եթե կարգ խախտվի, իրենք ուժ են կիրառելու ու մարդկանց բերման ենթարկեն:
