«Դա կարևոր է Հայաստանի համար». արաբագետ
ԵՊՀ Հայագիտական հետազոտությունների ինստիտուտի հայ-քրդական առնչությունների բաժնի գիտաշխատող, արաբագետ Սարգիս Գրիգորյանի գնահատմամբ՝ Իրաքի Քուրդիստանի տարածաշրջանի Էրբիլ քաղաքում հյուպատոսության ստեղծումը տարածաշրջանային համագործակցության առումով Հայաստանի համար շատ կարևոր է:
«Հայաստանի անմիջական ներկայությունը Իրաքում հյուպատոսության մակարդակով նպաստելու է հայ-իրաքյան հարաբերությունների զարգացմանը, ինչը բավականին կարևոր է Հայաստանի համար: Իհարկե, Իրաքը ունի սոցիալ-տնտեսական խնդիրներ, սակայն վերջինիս տարածաշրջանային դերակատարումը չի նվազում»,- ասաց արաբագետը:
Հիշեցնենք, որ մարտի 13-ին ՀՀ Նախագահ Սերժ Սարգսյանը հրամանագիր է ստորագրել, համաձայն որի՝ Իրաքի Հանրապետության Էրբիլ քաղաքում կստեղծվի Հայաստանի Հանրապետության գլխավոր հյուպատոսություն։
