Սամվել Սանամյանը քարոզի է գնում «Հրազդանցի Արթուրիկի» հետ. «ՀԺ»
«Հայկական ժամանակ» օրաթերթը գրում է. «Առաջիկա ընտրություններում հնարավորինս շատ ձայներ ստանալու համար ՀՀԿ-ն կրկին դիմել է կրիմինալի օգնությանը: Մեզ հայտնի դարձավ, որ ՀՀԿ որոշ թեկնածուներ կրիմինալ աշխարհի այս կամ այն ներկայացուցչի հետ են նախընտրական քարոզի գնում:
Նախօրեին Կոտայքի մարզում քարոզչություն են իրականացրել ՀՀԿ-ի ռեյտինգային ցուցակով առաջադրված թեկնածուները: Վարչապետ Կարեն Կարապետյանի խորհրդական Սամվել Սանամյանը Հրազդանի քաղաքապետ Արամ Դանիելյանի հետ գյուղեր են այցելել:
Քաղսի գյուղում նրանց հետ է եղել քրեական հեղինակություն հրազդանցի Արթուրիկը, որն առավել հայտնի է Սիրոյի Արթուր անվանումով: Հիշեցնենք, որ նախորդ տարի Հրազդանի քաղաքապետի ընտրության օրը հենց Սամվել Սանամյանն էր ՀՀԿ-ի համար ձայներ ապահովում, անձամբ շրջելով տեղամասերում՝ նա հրահանգներ էր տալիս ՀՀԿ-ի վստահված անձանց»:
Ամբողջությամբ կարող եք կարդալ «Հայկական ժամանակ» օրաթերթի այսօրվա համարում։
