Ռուսաստանը մտադիր է Հայաստանի օգնությամբ էլեկտրաէներգիա արտահանել Իրան
«Գազպրոմ»-ի ղեկավար Ալեքսեյ Միլլերը հայտարարել է, որ Ռուսաստանը պատրաստվում է Իրանին էլեկտաէներգիա մատակարել Հայաստանի միջոցով` փոխանակման գործարքներով: Այս մասին հաղորդում է Gazeta.ru-ն:
«Հայաստանը ծրագրում է հաջորդ տարի կառուցել բարձր լարման էլեկտրահաղորդման գիծ, ինչը թույլ կտա ՌԴ-ին փոխանակման գործարքներով էլեկտրաէներգիա արտահանել իրանական շուկա»,- ասել է Միլլերը: Նա նաև ընդգծել է, որ ներկա դրությամբ ավարտվել է Հրազդանի ՋԷԿ-ի 5-րդ էներգաբլոկի արդիականացումը:
