«Երկու շաբաթ առաջ Էնրիկեն ապուշ էր, ով ասաց՝ այո, ես հեռանում եմ: Իսկ հիմա նա հերոս է». Վենգեր
Լոնդոնի «Արսենալի» գլխավոր մարզիչ Արսեն Վենգերը խոսել է կատալոնական ակումբի պատմական քամբեքի մասին, ինչպես նաև անդրադարձել է Լուիս Էնրիկեի անձի շուրջ պտտվող խոսակցություններին:
Վենգերը նշել է, որ երբեք չի կարող հասկանալ այն մարդկանց, ովքեր վատաբանում և վիրավորում էին Էնրիկեին, իսկ ՊՍԺ-ի հետ խաղից հետո աստվածացնում են նրան:
«Երկու շաբաթ առաջ Էնրիկեն ապուշ էր, ով ասաց՝ այո, ես հեռանում եմ: Իսկ հիմա նա հերոս է: Այդպիսին է մարզչի աշխատանքը, ամեն ինչ շատ անկանխատեսելի է»,- նշել է Վենգերը:
Վենգերը նշել է նաև, որ շարունակել է ոգևորված հետևել հանդիպմանն անգամ ՊՍԺ-ի գոլից հետո, քանի որ նրան հետաքրքիր էր, թե ինչ կառաջարկեն կատալոնացիները:
Սիրարփի Աղաբաբյան
