Թուրքիան հրաժարվել է Ղրիմից շոգենավեր ընդունել
Թուրքիայում դադարել են ընդունել Ղրիմից դուրս եկող նավերը։ Անգամ թուրքական շոգենավերը, որոնք ժամանում են Սևաստոպոլից, չեն կարողանում կայանել Զոնգուլդակ նավահանգստում, հայտնում է korrespondent.net-ը։
Hürriyet-ին տված հարցազրույցում Selin Global լոգիստիկական ընկերության ղեկավար Արզիգյուլ Կայմակչին այդ իրավիճակը բացատրել է նրանով, որ նավերը ժամանել են Ղրիմից։
«Դա շատ մեծ խնդիր է, քանի որ ողջ բեռը մենք պարտավոր ենք հետ ուղարկել»,- ասել է նա։
Ավելի վաղ Թուրքիայի նախագահ Ռեջեփ Էրդողանը հայտարարել էր, որ Անկարան անփոփոխ դիրքորոշում ունի Ղրիմի կարգավիճակի վերաբերյալ՝ որպես ուկրաինական տարածք։
