ԴԱԻՇ-ի դեմ պատերազմը Իրաքի ենթակառուցվածքին հասցրել է 35 մլրդ դոլարի վնաս. վարչապետ
Վնասը, որը հասցրել է Իրաքի ենթակառուցվածքներին ԴԱԻՇ-ի դեմ պատերազմը, գնահատվում է 35 մլրդ դոլար, հայտարարել է Իրաքի վարչապետ Հայդեր ալ-Աբադին, հայտնում է RIA Novosti-ն։
Նրա խոսքով՝ այդ թիվը ներառում է այն վնասը, որը ահաբեկիչները հասցրել են իրաքյան հասարակությանն ու երկրի էթնոդավանաբանական խմբերի հարաբերություններին։
Ալ-Աբադին հայտնել է ահաբեկիչների դեմ Իրաքի սահմաններից դուրս պայքարելու պատրաստակամության մասին։
«Երկիրը չի տատանվի հարևան երկրներում ահաբեկիչների դիրքերին հարվածներ հասցնելիս, եթե կա Իրաքի անվտանգության սպառնալիք»,- հայտարարել է Իրաքի վարչապետը երկրի Սուլեյմանիա քրդական նահանգում մամուլի ասուլիսի ժամանակ։
