«Դժվար է լինել «Լիվերպուլի» ավագը». Լուիս Սուարես
«Լիվերպուլի» նախկին հարձակվող Լուիս Սուարեսը խոստովանել է, որ իրեն դժվար է եղել խաղալ ավագի թևկապով: Սուարեսը դաշտ էր դուրս գալիս ավագի թևկապով Սթիվեն Ջերարդի բացակայության ժամանակ:
«Ինձ ավելի շատ դուր է գալիս մնալ ստվերում, լինել մյուսներից մեկը: Ես միշտ պատրաստ եմ օգնել թիմին, բայց որոշում կայացնելն իմը չէ: «Լիվերպուլում» ես հնարավորություն եմ ունեցել ավագ լինել, և ինձ համար դա հեշտ չէր: Հնարավոր է՝ դժվար է հավատալը, բայց ես շատ ամաչկոտ մարդ եմ»,- ասել է Սուարեսը:
Լուիս Սուարեսը «Լիվերպուլում» անցկացրել է 3.5 մրցաշրջան: Այդ ընթացքում ուրուգվայցին կարմիրների կազմում անցկացրել է 133 խաղ և դարձել է 82 գոլի հեղինակ:
Պատրաստեց Անի Գաբուզյանը
