Գյումրեցի կանայք կմնան ձնծաղիկի հույսին
Tsayg.am-ը գրում է. Կանանց միջազգային տոնին ընդառաջ, ծաղիկների գնաճ է նկատվում: Ծաղկավաճառները նշում են, որ այս օրերին մեկ հոլանդական վարդի արժեքը սկսվում է 1500 դրամից, տեղեկանը` 1000-ից: 3000 դրամ արժողությամբ ծաղկեփնջերն այս օրերին վաճառվում են 5-7 հազար դրամով: Շուկայում ամենաէժանն առայժմ ձնծաղիկն է՝ 200 դրամ:
Ծաղկավաճառները, սակայն, նշում են, որ առաջիկայում ծաղիկների գները կկրկնապատկվեն: Իսկ գյումրեցի տղամարդկանց մեծ մասն, ըստ վաճառողների, նախընտրում է ձնծաղիկով շնորհավորել կնոջը, քրոջը կամ մորը:
