Դատական համակարգում նոր նշանակումներ են սպասվում. «Հրապարակ»
«Հրապարակ» օրաթերթը գրում է. «Լոռու մարզի առաջին ատյանի դատարանի դատավոր Նարինե Հովակիմյանը, Շենգավիթի ընդհանուր իրավասության առաջին ատյանի դատավոր Կարեն Մարդանյանը, Սյունիքի դատավոր Անդրանիկ Մնացականյանը տեղափոխվեցին վերաքննիչ քրեական դատարան, և առաջին ատյանում թափուր տեղեր առաջացան։
Մեր տեղեկություններով՝ Լոռու մարզի դատավոր կնշանակվի Սուսաննա Գզողլյանը՝ վճռաբեկ դատարանի դատավոր Ելիզավետա Դանիելյանի օգնականը։ Շենգավիթի դատավորի պաշտոնի հավակնորդը Վաչիկ Մարգարյանն է։ Իսկ վճռաբեկ դատարանի քրեական պալատի նախկին նախագահ, թոշակի անցած Դավիթ Ավետիսյանի ազգականը՝ Գեղամ Ավետիսյանը, նշանակվելու է Կոտայքի դատարանի դատավոր՝ փոխարինելով թոշակի գնացած Յուրա Բաղդասարյանին»։
Ամբողջությամբ կարող եք կարդալ «Հրապարակ» օրաթերթի այսօրվա համարում։
