Լավրովն ու Զարիֆը քննարկել են Սիրիայում տիրող իրավիճակը
Ռուսաստանի Դաշնության և Իրանի իսլամական հանրապետության արտաքին գործերի նախարարներ Սերգեյ Լավրովը և Մուհամմեդ Ջավադ Զարիֆը դեկտեմբերի 14-ին հեռախոսազրույց են ունեցել: Այս մասին տեղեկացնում է ՌԴ ԱԳՆ պաշտոնական կայքը:
Հեռախոսազրույցի ընթացքում քննարկվել է Սիրիայում տիրող իրավիճակը, այդ թվում` «Իսլամական պետություն», «Ջաբհաթ ան-Նուսրա» և այլ ահաբեկչական խմբավորումների և նրանց աջակիցների ճնշման հարցը: Անդրադարձ է կատարվել նաև Սիրիայում տիրող հումանիտար իրավիճակին, մասնավորապես, անհրաժեշտ օժանդակությունը Հալեպ տեղափոխելու խնդրին: Երկու կողմերը հաստատել են ՄԱԿ-ի անվտանգության խորհրդի 2254 բանաձևին համաձայն` սիրիական հակամարտության երկարաժամկետ քաղաքական կարգավորման հարցում իրենց հանձնառությունը:
