Ինչպես է փոխվել բնակչության թիվը անկախությունից ի վեր՝ նախկին ԽՍՀՄ երկրներում
Անկախություն ձեռք բերելուց 25 տարի անց նախկին ԽՍՀՄ երկրների մոտ ժողովրդագրական ցուցանիշները խիստ տարբերվում են։ Մասնավորապես, բնակչության թվաքանակի առումով, կան երկրներ, որտեղ հսկայական աճ է գրանցվել, և երկրներ, որտեղ բնակչության թիվը զգալիորեն կրճատվել է։
Ըստ Համաշխարհային բանկի տվյալների՝ Ուկրաինայի բնակչության թիվը 1991 թվականից ի վեր նվազել է 6 միլիոնով։ Բալթյան երկրները կորցրել են իրանց բնակչության 20%-ը։ Ռուսաստանի բնակչությունը մինչև 2009 թվականը նվազում էր և 2009 թվականին իջավ 142 միլիոնից։ Սակայն վերջին տարիներին բնակչության թվաքանակի աճ է նկատվում, ինչը պայմանավորված է միգրացիայով, աճող ծնելությամբ, և մահացության նվազող մակարդակով։
Կովկասում պատկերը խառն է։ Հայաստանում և Վրաստանում բնակչության թիվը նվազել է, Ադրբեջանում՝ աճել։
Իսկ Կենտրոնական Ասիայում հակառակն է։ Ղրղզստանում, Տաջիկստանում, Թուրքմենստանում և Ուզբեկստանում բնակչության թիվն աճել է և շարունակում է աճել։ Ղազախստանում անկախության սկզբնական շրջանում բնակչության թիվը նվազել է՝ էթնիկ ռուսների արտագաղթի պատճառով, սակայն ծնելիության բարձր մակարդակի շնորհիվ կրկին սկսել է աճել և գերազանցում է 1990 թվականի ցուցանիշը։
ԽՍՀՄ երկրների ժողովրդագրական վիճակի փոփոխությունների մասին առավել մանրամասն՝ կարող եք կարդալ այստեղ։
