Հռոմի Պապը դատապարտել է Բանգլադեշի ահաբեկչությունը
Հռոմի Ֆրանցիսկոս Պապը դատապարտել է Բանգլադեշի մայրաքաղաք Դաքքայում իրականացված ահաբեկչությունը: Այս մասին տեղեկացնում է ռուսական ՏԱՍՍ-ը:
«Խորապես վշտացած եմ Դաքքայում անմեղ զոհերի նկատմամբ կիրառված անիմաստ բռնության փաստի առնչությամբ և ամբողջ սրտով իմ ցավակցություններն եմ հայտնում ու դատապարտում այն բարբարոսական գործողությունները, որոնք վիրավորական են Աստծու և մարդկության համար»,- իր հայտարարության մեջ ասել է Պապը:
