Արցախ են շտապում կամավորների խմբեր
«Արցախ» հեռուստաընկերությունը հաղորդում է. «Ինչպես երկուսուկես տասնամյակ առաջ` այսօր էլ Հայրենիքի վտանգի պահին հայությունը համախմբվում է: Արցախ են շտապում կամավորների խմբեր: Ստեփանակերտի կենտրոնական հրապարակը նոր կարգավիճակ է ստացել: Հենց այստեղ, Ազատամարտիկների միության վարչական շենքի դիմաց ընդունում են ժամանողներին, տեղաբաշխում ըստ պահանջի: Առաջիններից մեկը Սյունիքից ժամանած կամավորականներն են հասել»:
