Կասիլիասի ստորագրությամբ մարզաշապիկն աճուրդի կհանվի` Գյումրու անօթևաններին օգնելու համար. yerkir.am
Մադրիդի «Ռեալ»-ը կաջակցի գյումրեցի անօթևան ընտանիքներին բնակարան գնելու` SOS հաղորդաշարի ռեժիսոր Հայկ Բարսեղյանի դրամահավաքի նախաձեռնությանը: Yerkir.am-ի հետ զրույցում Հայկ Բարսեղյանը նշել է, որ «Ռեալ»-ի նախկին դարպասապահ Իկեր Կասիլիասն իր ստորագրությամբ մի մարզաշապիկ ունի, և իրենք խնդրել են թիմի մյուս անդամներին` նույնպես ստորագրել դրա վրա և այն ուղարկել Հայաստան:
«Շապիկը աճուրդի կհանվի մարտի 19-ին կայանալիք բարեգործական միջոցառման ժամանակ»,- հայտնեց Բարսեղյանը:
Իսկ Լևոն Բարսեղյանը ֆեյսբուքյան իր էջում գրել է. «Ամասիայից Գենիկ Կարապետյանը միանում է Գյումրու 13 անօթեւան ընտանիքներին բնակարանով ապահովելու մարաթոնին եւ հաղորդում, որ պատրաստ է նվիրել երկու բնակարան, մեկը երկու սենյականոց, մյուսը՝ երեք սենյականոց»
