Հռոմի պապի համբույրից հետո հիվանդ երեխայի գլխուղեղի ուռուցքը փոքրացել է
Ֆիլադելֆիայից ամերիկուհի Քրիստեն Մասիանտոնիոն հայտնել է, որ իր 1 տարեկան դստեր գլխուղեղի ուռուցքը փոքրացել է: Կնոջ խոսքով՝ դա տեղի է ունեցել այն բանից հետո, ինչ այս տարվա սեպտեմբերին Ջաննային համբուրել էր Հռոմի պապը, գրում է CBS Philadelphia-ն:
Մայրը նշում է, որ մագնիսա-ռեզոնանսային տոմոգրաֆիան, որն արվել է 2015թ. օգոստոսին ու նոյեմբերին, վկայում է այն մասին, որ ուռուցքի չափերը փոքրացել են:
Բժիշկներն արձանագրել են, որ փոքրիկ հիվանդի վիճակը լավացել է:
Պարբերականը գրում է, որ շատերը «հիվանդ աղջկա ապաքինումը բացատրում են աստվածային միջամտությամբ»:
Երեխայի ծնողները Հռոմի պապի համբույրը համարում են «հրաշք»:
