Փարիզի «Ստադ դե Ֆրանս» մարզադաշտի հարևանությամբ տեղի ունեցած ահաբեկչությունը. բացառիկ կադրեր

Ինչպես արդեն տեղեկացրել էինք, երեկ Փարիզում տեղի են ունեցել մի քանի պայթյուններ, որոնցից 3-ը տեղի են ունեցել «Ստադ դե Ֆրանս» մարզադաշտի հարևանությամբ, որտեղ տեղի էր ունենում Ֆրանսիայի ու Գերմանիայի ազգային հավաքականների միջև ընկերական հանդիպումը:

Համացանցում է հայտնվել պայթյուններից հետո մարզադաշտում ստեղծված իրավիճակը ցույց տվող տեսագրություն:

Ինչպես երևում է կադրերից, սկզբում երկրպագուները սկսում ծափահարել՝ լսելով պայթյունի ձայնը, սակայն մի քանի րոպե անց հասկանում են, որ տեղի ունեցածն ավելի լուրջ է: Պայթյունի պահը նկարահանվել է խաղի հեռարձակման ժամանակ:

Մարզադաշտում այդ պահին ներկա է եղել Ֆրանսիայի նախագահ Ֆրանսուա Օլանդը, ում հաջողությամբ տարհանել են:

Հանդիսատեսին խնդրել են հանգստություն պահպանել ու չհեռանալ մարզադաշտի տարածքից: Մարդկանց մարզադաշտից տարհանել են որոշ ժամանակ անց:
Տարհանման ժամանակ երկրպագուները մարզադաշտում հիմն են երգել՝ Մարսելյեզը:

Հիշեցնենք, որ Փարիզում ահաբեկչական հարձակումների հետևանքով զոհվել է ավելի քան 150 մարդ:

https://www.youtube.com/watch?v=R0owHc_jOk8