Մամեդյարովը հանդիպել է ԵԱՀԿ Մինսկի խմբի համանախագահներին
Ադրբեջանի արտգործնախարար Էլմար Մամեդյարովը ՄԱԿ-ի Գլխավոր ասամբլեայի 70-րդ նստաշրջանի շրջանակներում հանդիպել է ԵԱՀԿ Մինսկի խմբի համանախագահներ Իգոր Պոպովի (Ռուսաստան), Ջեյմս Ուորլիքի (ԱՄՆ) և Պիեռ Անդրյոյի (Ֆրանսիա) հետ։
Ադրբեջանական ԱՊԱ գործակալության փոխանցմամբ՝ այդ մասին հայտնել են Ադրբեջանի արտգործնախարարության մամուլի ծառայությունից։ Հանդիպմանը ներկա է եղել ԵԱՀԿ գործող նախագահի անձնական ներկայացուցիչ, դեսպան Անջեյ Կասպշիկը։ Հանդիպման ընթացքում շարունակվել են Ղարաբաղյան հակամարտության կարգավորման ուղիների շուրջ քննարկումները։
