Շարմազանովը շնորհակալ է Զուրաբյանին
ԱԺ փոխնախագահ Էդուարդ Շարմազանովը անդրադարձել է սահմանադրական բարեփոխումների նախագծի վերաբերյալ ՀԱԿ խմբակցության ղեկավար Լևոն Զուրաբյանի քննադատություններին՝ ասելով. «Հարգելի պարոն, ես շատ շնորհակալ եմ, որ հավատում եք, որ ՀՀԿ-ն 2017թ. խորհրդարանական ընտրություններում հաղթելու է: Եթե դուք արդեն ասում եք, որ սահմանադրական բարեփոխումները կյանքի կոչելու դեպքում Սերժ Սարգսյանը կմնա Հանրապետական կուսակցության ղեկավար և կշարունակի ղեկավարել երկիրը, նշանակում է՝ հավատում եք, որ ընտրություններում հաղթելու է Հանրապետական կուսակցությունը: Ես շատ շնորհակալ եմ դրա համար, բայց մենք ազատ մրցակցության կողմնակից ենք»:
