Հիտլերի հարձակումը ԽՍՀՄ-ի վրա գիտնականները բացատրել են Պարկինսոնի հիվանդությամբ
Պարկինսոնի հիվանդությունը կարևոր դեր է խաղացել Երկրորդ համաշխարհային պատերազմում Գերմանիայի պարտության հարցում, պնդում են նոր հետազոտության հեղինակները:
Հենց այդ նյարդաբանական հիվանդությունն է ստիպել Հիտլերին կայացնել հակասական ու անտրամաբանական որոշումներ (սկսած ԽՍՀՄ-ի վրա հարձակումից): Հետազոտությունը ներկայացված է World Neurosurgery ամսագրում, հայտնում է Neuroskeptic-ը:
Պիտսբուրգի համալսարանից Ռագհավ Գուպտան ու նրա գործընկերները մատնանշում են լուսանկարչական կադրերը՝ դրանցից կարելի է ենթադրել, որ 1933-1945թթ. ֆյուրերի մոտ դիտվել է շարժողական գործառույթի պրոգրեսիվ խանգարում:
Գիտնականները նշել են նաև ձախ ձեռքի բնորոշ շարժումները: Վերջապես, պարկինսոնիզմը հաճախ է հանգեցնում հիպոկինեզիայի, ողնաշարի ծռության, երևակայության բացակայության ու ընդհանուր ապատիայի (սրանք դիտվել են Հիտլերի կյանքի վերջին տարիներին):
Հենց Պարկինսոնի հիվանդությամբ են գիտնականները բացատրում ԽՍՀՄ-ի վրա հարձակումը, ֆելդմարշալ Պաուլյուսին Ստալինգրադից հետ քաշվելու թույլտվություն չտալը, նորմանդյան դեպքերը:
Սակայն Գուպտայի տեսությունը չի բացատրում փաստը, որ Հիտլերը իմպուլսիվ ու ոչ ռեալիստական որոշումներ է կայացրել նաև մինչև 1933 թվականը:
