Կուրիլյան կղզիների ափերի մոտակայքում ուժգին երկրաշարժ է գրանցվել
Կուրիլյան կղզիների հարավային ափերի մոտ 4.8 մագնիտուդով երկրաշարժ է գրանցվել։
Այս մասին հայտնում են ռուսական լրատվամիջոցները՝ վկայակոչելով Հարավային Սախալինսկի սեյսմիկ կայանի ղեկավար Ելենա Սեմենովան։
«Նոյեմբերի 8-ին, ժամը 18:56-ին (Մոսկվայի ժամանակով ժամը 10:56-ին) Խաղաղ օվկիանոսում տեղի է ունեցել 4.8 մագնիտուդով երկրաշարժ։ Էպիկենտրոնը գտնվել է Իտուրուպ կղզու Ռեյդովո գյուղից 129 կիլոմետր արևելք, իսկ օջախը՝ 79 կիլոմետր խորության վրա»,-ասել է սեյսմոլոգը։
Գործակալության աղբյուրի խոսքով՝ սեյսմիկ իրադարձությունը կարող էր զգացվել Իտուրուպում 2-3 մագնիտուդով։
Նշվում է, որ երկրաշարժի հետևանքով ցունամիի մասին տագնապ չի հայտարարվել։
