Թոնի Բլերը որոշել է զբաղվել Եվրոպայում հակասեմիթականության խնդրով
Բրիտանիայի նախկին վարչապետ Թոնի Բլերը կգլխավորի Հանդուրժողականութան ու հաշտեցման եվրոպական խորհուրդը ու կզբաղվի Եվրոպայում հակասեմիթականության խնդրով, հայտնում է BBC-ի ռուսական ծառայությունը:
«Հակասեմիթականությունը ոչ միայն հրեական խնդիր է, այն առնչվում է ամբողջ համաշխարհային հանրությանը ու այն հարկավոր է լուծել հանուն մեր բարօրության»,- ասվում է Բլերի ու խորհրդի համանախագահ Մոշե Կանտորի հոդվածում, որը հրապարակվել է Times-ում:
Անցած շաբաթ հայտնի դարձավ, որ Բլերը լքում է մերձավորարևելյան կարգավորման հատուկ ներկայացուցչությունում իր պաշտոնը, որտեղ ներառված էին Ռուսաստանը, Եվրամիությունը, ՄԱԿ-ն ու ԱՄՆ-ը: Այդ պաշտոնում նա աշխատել էր ավելի քան 8 տարի:
