Ռուսաստանն այս տարի կավարտի Չուկոտկայի ծովափին ռազմական օբյեկտների վերականգնումը
Ռուսական ТАСС լրատվական գործակալության փոխանցմամբ` 2015 թվականին ավարտվելու է Արևելյան ռազմական օկրուգի արկտիկյան գոտում գտնվող Շմիդտ հրվանդանում ու Վրանգելի կղզում ռազմական ենթակառուցվածքների կառուցումը:
Այս մասին հայտարարել է Արևելյան ռազմական օկրուգի մամուլի ծառայության պետ, գնդապետ Ալեքսանդր Գորդեևը: Նրա խոսքերով` Շմիդտի հրվանդանում ու Վրանգելի կղզում կառուցվում են ռազմական քաղաքներ, ինչպես նաև պլանավորված է վերականգնել Շմիդտի հրվանդանի օդանավակայանը:
Չուկոտկայի հյուսիսային ծովափին գտնվող Շմիդտի հրվանդանի ռազմական օդանավակայանը կառուցվել է 1954 թվականին: Ներկայումս այն գործում է որպես տեղական քաղաքացիական օդանավակայան:
Վրանգելի կղզու ու Շմիդտի հրվանդանու ռազմական օբյեկտների կառուցման գործընթացը մեկնարկել է նախորդ տարեվերջին:
