Ջեյմս Ուորլիքը գրառում է կատարել Հայոց ցեղասպանության 100-րդ տարելիցի կապակցությամբ
ԵԱՀԿ Մինսկի խմբի ամերիկացի համանախագահ Ջեյմս Ուորլիքը Twitter-ի իր միկրոբլոգում գրառում է կատարել Հայոց ցեղասպանության 100-րդ տարելիցի կապակցությամբ.
«Քանի որ մենք աշխատում ենք Ղարաբաղյան հակամարտության խաղաղ կարգավորման ուղղությամբ, մենք հիշում ենք Օսմանյան կայսրության վերջին օրերին իրականացված կոտորածներն ու մարդկանց տառապանքները և հարգանքի տուրք ենք մատուցում բոլոր զոհերի հիշատակին»:
Ուորլիքը վերջին անգամ իր թվիթերյան էջում գրառում կատարել էր ապրիլի 16-ին՝ հայտնելով, որ մեկնում է Հյուսթոն՝ հանդիպելու համար հայ և ադրբեջանցի համայնքների ներկայացուցիչների հետ:
