Ռուսաստանի Կասպյան նավատորմը զորավարժություններ է սկսել
Ռուսական РИА Новости լրատվական գործակալության փոխանցմամբ՝ Կասպյան նավատորմի ռազմանավերը դուրս են եկել ծով՝ զորավարժություններ անցկացնելու համար: Այս մասին հայտնել է Հարավային ռազմական օկրուգի մամլո ծառայությունը:
Վերջինիս հաղորդմամբ՝ զորավարժություններն անցկացվում են Հարավային ռազմական օկրուգի զորամասերի ու ստորաբաժանումների մարտունակության ստուգման շրջանակներում: Զորավարժություններին մասնակցում է Կասպյան նավատորմի 10 ռազմանավ, մոտորանավակ ու ապահովման նավ:
Նավախումբը, որում ընդգրկվել է նաև «Դաղստան» հրթիռակիր նավը, դուրս է եկել իր բազավորման կետից՝ Մախաչկալայի նավահանգստից, և ձեռնամուխ է եղել ուսումնամարտական առաջադրանքների կատարմանը:
