Էստոնիայում մեկնարկում են ամերիկյան զինծառայողների մասնակցությամբ «Տոռնադո» զորավարժությունները
Lenta.ru-ի փոխանցմամբ՝ Էստոնիայում այսօր մեկնարկում են «Տոռնադո» անվանումը ստացած զորավարժությունները: Այս մասին նշված է Էստոնիայի ՊՆ-ի պաշտոնական կայքում: Զորավարժությունները տևելու են 5 օր, դրանց մասնակցելու են նաև ամերիկացի զինծառայողները:
Ընդհանուր առմամբ զորավարժութուններին մասնակցում են 1-ին հետևակային բրիգադի 2000 զինծառայողներ և ռեզերվիստներ: Զորավարժությունների անցկացման հիմնական նպատակը զինծառայողների մարտունակության բարձրացումն է:
Ընդգծվում է, որ «Տոռնադոն» հանդիսանալու է ավելի խոշորամասշտաբ զորավարժությունների նախապատրաստական փուլ, որոնք ստացել են «Ոզնի» անվանումը:
