Վրաստանի ԱԳՆ-ը ողջունել է Լոզանում «Վեցնյակի» ու Իրանի միջև ձեռք բերված համաձայնագիրը
Новости-Грузия լրատվական գործակալության փոխանցմամբ՝ Վրաստանի ԱԳՆ-ը ողջունում է Լոզանում «Վեցնյակի» ու Իրանի միջև իրանական միջուկային ծրագրի շուրջ ձեռք բերված համաձայնագիրը.
«Վրացական կողմը գոհ է, որ կողմերը հասել են կոնսենսուսի և երկխոսության շնորհիվ պայմանավորվել են Իրանի միջուկային ծրագրին առնչվող բարդ հարցերի կարգավորման ուղիների շուրջ:
Վրացական կողմը հույս է հայտնում, որ ձեռք բերված պարամետրերի հիման վրա կողմերը պայմանավորված ժամկետում կմշակեն համապարփակ գործուն համաձայնագիր, որն ընդունելի կլինի բոլոր կողմերի համար»:
Վրաստանի ԱԳՆ-ը կարծում է, որ նշված համաձայնագիրը կարևոր քայլ կդառնա տարածաշարջանում ու համայն աշխարհում խաղաղության ու կայունության ուղղությամբ:
